སྤྲ་ཐོག་པ། = འདི་ནི་ལོ་མང་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན་ཞིང༌། རྩ་བ་སེར་སྐྱ་ཤིང་རྒྱུ་འདྲ་བ་ཕྲ་ལ་རིང་བར་རྩ་ཕྲན་མང་ཞིང༌། ཨ་ར་འདྲ་བའི་རྩ་ཕྲན་ཡང་ཐར་ཐོར་ཡོད། ལོ་མ་སྔོ་སྐྱ་ཅུང་ཟད་མཐུག་པ་མདུང་རྩེའི་དབྱིབས་ལ་སྤུ་དཀར་པོ་འཇམ་པོས་ཁྱབ་པ་མཐའ་མཉམ་དུ་སྐྱེས་ཡོད། སྡོང་པོ་ཕྲ་ལ་འདྲོང་བ་བཞི་ལྔ་ཙམ་སྐྱེ་བ། ཡལ་ག་མེད་པ་གཞི་རྩའི་ལོ་མའི་དབུས་ནས་སྐྱེ་ཞིང། མེ་ཏོག་དཀར་ལ་སེར་མདངས་ཡོད་པ་འདབ་མའི་སྐྱི་ལྤགས་རྒྱུ་འདྲ་བ་མང་ལ། སྡོང་པོའི་རྩེར་གདུགས་མང་མེ་ཏོག་བང་རིམ་དུ་ཤར་གྱི་ཡོད། སྤྲ་བ་ལ་རྒོད་དང་གཡུང་སོགས་རིགས་ཁ་ཤས་ཡོད།