རྒྱུ་མཁྲིས། = འདི་ནི་ལོ་མང་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན་ཞིང༌། རྩ་བ་སེར་སྐྱ་ཅུང་ཟད་སྦོམ་པ་སྙུང་རིལ་དབྱིབས་ཀྱི་ཕྱི་པགས་རྫ་མདོག་གི་རྟིང་པ་རིང་བར་ཨ་ར་འདྲ་བའི་རྩ་ཕྲན་ཐར་ཐོར་ཡོད་པ་དང༌། ལོ་མ་སྔོ་ལྗང་སྒྲོ་དབྱིབས་ཀྱི་རྒྱབ་སྐྱ་ཞིང་མཐར་ཉག་ག་ཞིབ་ཅིང་མང་བ་རེ་མོས་སུ་སྐྱེ་བ་དང༌། སྡོང་པོའི་ལོ་མ་གཞི་རྩེའི་ལོ་མ་ལས་ཆུང་བ་ཡང་རེ་མོས་ཀྱིས་སྐྱེ། མེ་ཏོག་འདབ་མ་ལྔ་ལྡན་སྡེར་མའི་དབྱིབས་ལྟ་བུ་ཁ་དོག་ཟིང་སྐྱ་དང་སེར་པོ་སོགས་སྣ་ཚོགས་ཡོད།