སྟག་གཟིག་མེ་ཏོག = ལོ་མང་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན་ཞིང། རྩ་བ་དཀར་པོ་ཤའི་རྒྱུས་པའི་དབྱིབས་འདྲ་བ་མང་ཞིང་ཉ་ཁྲབ་ཀྱི་འདབ་ལྷེ་གཅིག་གིས་གཅིག་བཏུམས་ནས་གོང་བུ་ལྟར་ཆགས་པ་དང། སྡོང་པོ་རྐྱང་པ་འདྲོང་ལ་མདོག་སྨུག་ཅིང་རྩུབ་པར་སྤུ་དཀར་ཐར་ཐོར་ཡོད་ལ་ཡལ་ག་མེད། ལོ་མ་ལྗང་ནག་མདུང་རྩེའི་དབྱིབས་ཀྱི་མཐའ་མཉམ་ཞིང་རྒྱབ་མདུན་གཉིས་ཀའི་རྩ་རིས་རྩུབ་ཅིང་ངར་བ་མེད་ལ་རེས་མོས་སུ་སྐྱེ་ཞིང། མེ་ཏོག་ལི་དམར་འདབ་མ་ལྔའམ་དྲུག་ཙམ་ཡོད་པ་ཕྱིར་ལྟེབ་ཅིང་ནག་ཐིག་ཡོད་པ་དང། དྲི་མི་ཞིམ་པ་ཞིག་གོ།