སེ་འབྲུ། = འདི་ནི་ལོ་མང་སྐྱེ་བའི་ཤིང་སྨན་རིགས་ཀྱི་སྐྱེ་དངོས་ཤིག་ཡིན་ཞིང༌། སྡོང་པོ་སྨུག་ལ་མཁྲེགས་པ་སྟག་པ་ཤིང་དང་འདྲ་ལ། དེ་ཙམ་འདྲོང་པོ་མེད་ཅིང་ཆེ་ཆུང་ངེས་གཏན་མེད་པ་དང༌། ཡལ་ག་ནས་ཡལ་ག་གྱེས་པར་ཚེར་མ་ཁབ་ལྟར་རྣོ་བ་ཡོད་ཅིང་། ལོ་མ་ལྗང་སེར་འཇམ་ལ་འོད་མདངས་ཡོད་པ་མདུང་རྩེའི་དབྱིབས་ཅན། རྒྱབ་སྐྱ་བར་སྤུ་དཀར་འཇམ་པོ་ཐུང་ཐུང་ཡོད་པ་ཕན་ཚུན་ཁ་སྤྲོད་བྱས་ནས་དྲུག་བདུན་ཙམ་ཆུན་བུར་སྐྱེ་བ་དང། མེ་ཏོག་དཀར་པོ་དང་དམར་པོ་བཀྲག་མདངས་ཆེ་བ། འབྲས་བུ་ཀུ་བའི་དབྱིབས་ཅན་མདོག་དམར་བའི་ནང་དུ་འབྲུ་གུ་དམར་པོ་ཁུ་བ་ཅན་གྱི་ཤ་རྒྱུ་དམར་པོས་བཏུམས་ཡོད།