Browse Our Dictionary
R

rally

༡། pol སྡུད་འཛོམས། = ཐུན་མོང་གི་རྩ་དོན་སྒྲུབ་ཕྱིར་རྒྱུན་ལྡན་ལས་འགུལ་ལམ་སྲིད་དོན་ཚོགས་པ་ལྟ་བུས། ཚོགས་བཅར་མང་ཚོགས་ཁྲོད་དུ་སེམས་ཤུགས་དང་བློ་སྤོབས་སྤེལ་བར་ཆེད་མངགས་དམིགས་ཏེ་གོ་སྒྲིག་བྱས་པའི་མི་མང་འདུ་འཛོམས་ཤིག ༢། * སོར་ཆུད་པ། གསོ་བ། = འཐུས་ཤོར་དང་ཉམས་རྒུད། བག་ལ་ཉལ་བའམ་ལུས་ཁམས་མི་བདེ་བ། གཉན་འཕྲང་ཅན་གྱི་དུས་སྐབས་སོགས་ལས་དྲག་སྐྱེད་བྱུང་བ་དང་། སོར་ཆུད་པ། གཞན་ལ་དེ་ལྟར་བྱེད་དུ་འཇུག་པ། ༣། sport མོ་ཊའི་རྒྱུག་འགྲན། = མགྱོགས་ཚད་དང་དུས་ཡུན་གྱི་སྟངས་འཛིན་ཐད་སྒྲིག་གཞི་དམིགས་བསལ་ཡོད་ཅིང། དེ་སྔོན་ཁ་ལོ་བས་རྒྱུས་མངའ་མེད་པའི་རྒྱུག་ལམ་ཐོག་རླངས་འཁོར་གྱི་རྒྱུག་རྩལ་འགྲན་སྡུར་ཞིག