ཙན་དན་དམར་པོ། = འདི་ནི་ལོ་མང་སྐྱེ་བའི་ཤིང་སྨན་གྱི་སྡོང་པོའི་རིགས་ཤིག་ཡིན་ཞིང༌། མཐོ་ཚད་མི་ཊར ༡༢ ཙམ་དང༌། སྡོང་པོ་སྦོམ་ལ་འདྲོང་པའི་ཕྱི་ལྤགས་མདོག་ནག་སྨུག་མཐུག་པ་གཞུང་དཀྱུས་གཉིས་ཀར་སེར་ག་ཟབ་མོ་ཅན། ཡལ་ག་དང་ཡལ་ཕྲན་ཐུར་ལ་འཕྱང་བ། ལོ་མ་གསུམ་ལོ་ཅན་ལ་སྨད་ཆ་སྦོམ་ཞིང་མཐུག་ལ་སྙིང་དབྱིབས་ཅན་དང༌། མེ་ཏོག་སེར་པོ་ངར་བ་གྱེས་མཚམས་ནས་འཆར་ཞིང་དྲི་མ་བཟང། གང་བུ་ལེབ་ལ་རྩ་རིས་འདྲ་བ་ལྟར་རྩེ་རྣོ་བའི་ནང་འབྲུ་སེར་སྨུག་འཇམ་ཞིང་མཁལ་དབྱིབས་གཉིས་ལས་མང་བ་ཡོད།